The notebook – Nicholas Sparks

Gedagtes oor hierdie wenner van Nicholas Sparks by: http://marilecloete.wordpress.com/2011/01/29/the-notebook-nicholas-sparks/

Advertisements

Woordfees – Stellenbosch

MOORD, LIEFDE EN PROFETE
Met Chanette Paul en Valiant Swart

Valiant Swart gesels met Chanette Paul oor haar romantiese spanningsroman Meetsnoer. In hierdie nuutste toevoeging tot die Gys Niemand-reeks val meetsnoere soms in afgryslike plekke – veral in die skadu van die Oordeelsdag. Twee bekende en gewilde skrywers en kunstenaars met baie op die hart.

12 Maart 11:00 | Protea Boekwinkel | 50min | Gratis

Die volledige program vir die Woordfees is nou beskikbaar op LitNet by http://www.litnet.co.za

Dead or Alive – Tom Clancy

Red Storm Rising van Tom Clancy was die heel eerste boek wat ek vir myself gekoop het, en teen bladsy twintig was ek ‘n Tom Clancy aanhanger. Ek het hulle almal verslind so vinnig as wat hy hulle kon skryf, Cardinal of the Kremlin, Hunt for Red October, Patriot Games, Clear and present Danger…die lys is lank.

Clancy het toe vir ‘n ruk ander projekte aangepak saam met mede skrywers, soos die Ops Centre reeks en later sy boeke oor Rainbow six (hulle was eintlik nie so sleg nie), maar dit was nie meer dieselfde nie. Nou, na baie jare in die doldrums skryf hy hierdie boek in die “ou” styl. Ek kon dit nie neersit nie. Die manier waarop hy al die karakters van sy vorige boeke  bymekaargebring het was ‘n uitstekende idee. Welkom terug Tom Clancy!

Natuurlik sal dit nie in almal se smaak val nie, maar as spioenasie, internasionale politiek, militêre krygstuig en taktiek saam met ‘n stewige dosis tegnologie en ‘n skeut intrige in jou kraal val sal jy nie teleurgesteld wees nie. Jy sal welliswaar dalk ‘n nag of twee se slaap mis, maar dit is immers vir ‘n goeie doel. Wat kan dan belangriker wees as om skouer aan skouer met Jack Ryan Snr en Jnr, Clark, Chavez, Mary Pat Foley en al die ander die wêreld te red van ‘n terreuraanval wat 9/11 na ‘n sondagskool piekniek laat lyk?

Fliek: Burlesque

Vandat ek die eerste voorprent van Burlesque gesien het, het ek doodeenvoudig geweet dat ek dit moes sien.  Dit is nie net omdat ek mal oor musicals en Cher is nie.  Die musiek en choreografie het my van die begin af aangetrek. 

‘n Burlesque is parodie.  Tess het ‘n klub waar skraps geklede meisies op die hoog dans terwyl hulle maak of hulle die liedjies sing.  Ali het van die plaas ontsnap om ‘n lewe in vermaak na te jaag.  Tess gee haar erg onwillig ‘n kans om haar staal te wys (nogal ironies – siende dat baie van die pop ikone op konserte eerder dans as sing).  Nadat sy ‘n streep deur een van die ander dansers getrek word, begin Ali die liedjie van die opvoering sing.  Daarmee word vriend en vyand verras. 

Om eerlik te wees, het ek my bedenkinge gehad oor Christina Aquilera.  Sangers wat skielik wil toneel speel is selde suksesvol.  Sy het my egter verras.  Ek was nooit seker hoe Cher ‘n Oscar gewen het nie.  Ek dink nie sy het haar karakter, Tess, tot haar volle potensiaal laat kom nie, maar dit kon te wyte gewees het aan te veel Botox of plastiese chirurgie. 

Die storielyn is maar so-so.  ‘n Mens gaan kyk in elk geval nie ‘n Musical om die storie tot op die been te ontleed nie.  Mens gaan kyk dit om terug te sit en gewow te word.  Daarin het Burlesque beslis geslaag.  Dit kan amper beskryf word as Chicago wat Coyote Ugly ontmoet, maar dit het beslis ook ‘n eie etiket. 

Die musiek wou my na die naaste CD winkel dryf om te kyk of dit al beskikbaar is.  Ek is goed bekend met Cher se musiek, maar Christina het ook ‘n sterk stem wat goed ingespan word in die fliek.  Die choreografie is mooi om na te kyk en die skraps geklede dames sal die manne ook gelukkig hou.  Dames, moet nie afgeskeep voel nie.  Cam Gigandet is genoeg om enige warmbloedige vrou te laat drool 

Ek moet die dialoog uitsonder, dit is vol witty opmerkings wat baie skerp is.  Puik.

Ek sal Burlesque 8 / 10 gee.  Belangriker as die punt, is dat ek nog nie sedert Mamma Mia ‘n fliek soveel geniet het as Burlesque nie.  Ek gaan dit beslis nog ‘n keer kyk. 

‘n Beslisde moet vir almal wat van musiek, dans, skerp opmerkings of net van mooi meisies hou.