Fliek: Burlesque

Vandat ek die eerste voorprent van Burlesque gesien het, het ek doodeenvoudig geweet dat ek dit moes sien.  Dit is nie net omdat ek mal oor musicals en Cher is nie.  Die musiek en choreografie het my van die begin af aangetrek. 

‘n Burlesque is parodie.  Tess het ‘n klub waar skraps geklede meisies op die hoog dans terwyl hulle maak of hulle die liedjies sing.  Ali het van die plaas ontsnap om ‘n lewe in vermaak na te jaag.  Tess gee haar erg onwillig ‘n kans om haar staal te wys (nogal ironies – siende dat baie van die pop ikone op konserte eerder dans as sing).  Nadat sy ‘n streep deur een van die ander dansers getrek word, begin Ali die liedjie van die opvoering sing.  Daarmee word vriend en vyand verras. 

Om eerlik te wees, het ek my bedenkinge gehad oor Christina Aquilera.  Sangers wat skielik wil toneel speel is selde suksesvol.  Sy het my egter verras.  Ek was nooit seker hoe Cher ‘n Oscar gewen het nie.  Ek dink nie sy het haar karakter, Tess, tot haar volle potensiaal laat kom nie, maar dit kon te wyte gewees het aan te veel Botox of plastiese chirurgie. 

Die storielyn is maar so-so.  ‘n Mens gaan kyk in elk geval nie ‘n Musical om die storie tot op die been te ontleed nie.  Mens gaan kyk dit om terug te sit en gewow te word.  Daarin het Burlesque beslis geslaag.  Dit kan amper beskryf word as Chicago wat Coyote Ugly ontmoet, maar dit het beslis ook ‘n eie etiket. 

Die musiek wou my na die naaste CD winkel dryf om te kyk of dit al beskikbaar is.  Ek is goed bekend met Cher se musiek, maar Christina het ook ‘n sterk stem wat goed ingespan word in die fliek.  Die choreografie is mooi om na te kyk en die skraps geklede dames sal die manne ook gelukkig hou.  Dames, moet nie afgeskeep voel nie.  Cam Gigandet is genoeg om enige warmbloedige vrou te laat drool 

Ek moet die dialoog uitsonder, dit is vol witty opmerkings wat baie skerp is.  Puik.

Ek sal Burlesque 8 / 10 gee.  Belangriker as die punt, is dat ek nog nie sedert Mamma Mia ‘n fliek soveel geniet het as Burlesque nie.  Ek gaan dit beslis nog ‘n keer kyk. 

‘n Beslisde moet vir almal wat van musiek, dans, skerp opmerkings of net van mooi meisies hou.

6 gedagtes oor “Fliek: Burlesque”

    1. Sonlig

      Jy sal nie spyt wees nie. Ek hou nogal van Britney Spears en het dus nooit moeite gedoen om Christina te ondersoek nie. Ek hou nog steeds van Britney, maar Christina se stem skop jy nie onder elke bossie uit nie.

      Laat weet my wat jy dink.

  1. Burlesque was een van my hoogtepunte in die fliekwereld die afgelope paar maande. Ons fliek meeste Vrydagaande een of twee flieks so sien goeie en minder goeie flieks….en die een is ‘n fees. Christina se stem is ongelooflik, sy speel heel goed toneel en Cher is Cher…..en dan die kersie op die koek…..eye candy Cam! Alhoewel die storie al heelwat in een of ander vorm gebruik is, dink ek dat hierdie keer is die choreografie en die kostuums soveel beter en Christina en Cher is top sangeresse.

    @Son – hoop daar was tyd om dit te gaan kyk.
    @Xena – gaan kyk dit gerus!

    1. 😉

      Ek het, dit is my resensie van die fliek. Dit was beslis die moeite werd.

      Knipoog, gooi my asseblief ‘n mail (amaal3@gmail.com). As jy lief is vir fliek / lees moet jy ons hier kom help.

  2. WHAAA! Hoe lekker dom van my – besef nou eers hierdie is onder andere ‘n spanpoging! Ek sal bietjie ‘n mailtjie stuur! Alhoewel ek waarsku nou al – as ek iets moet skryf oor Black Swan gaan ek dit ‘n lelike eendjie wees 😉

    1. Sal heerlik wees om van jou te hoor – ek is besig om erg verveeld te raak met my eie stem!
      En ek wil baie graag hoor wat jy van Black Swan sê. Het dit hierdie week gesien, maar is nog besig om te herstel! Probeer nog my gedagtes agtermekaar kry om iets sinvol te sê!!

Laat 'n boodskap na Sonlig Kanselleer antwoord

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s